प्रजातन्त्र डेली

काभ्रेपलाञ्चोक- काभ्रेपलाञ्चोकको बेथानचोक गाउँपालिका–३ पानटेखोलाका फडिन्द्रप्रसाद तिमल्सिनाले गत असोज दोस्रो साता घर बगाएपछि छिमेकीको शरणमा बसेको अढाई महिना भइसक्यो । घरमा भएको १० मुरी मकै, १० मुरी तोरी र ३२ हजार रुपैयाँ नगदसहित एक तले पक्की घर बाढीले बगाएपछि आफूसहित पाँच जनाको परिवारसहित छमेकीको घरमा बस्दै आएका हुन् । ‘छिमेकीको घरमा दुई परिवार बस्न निकै कठिनाइ छ, छाप्रो हालेर बसौँ जाडो बढ्याबढ्यै छ, घर बनाउन सक्ने क्षमता छैन, बनाउन पनि कहाँ बनाउने घर बगाएको स्थानमा बनाउनुहुन्छ कि, हुन्न कसैले हेरिदिएका छैनन्,’ तिमल्सिना भन्छन् । तिमल्सिनाले जाडोकै कारण पाल हालेर घर बगेकै ठाउँमा बस्न नसकिएकाले एक दुई महिना शरणमै बस्नुपर्ने बाध्यता रहेको…

काठमाडाैं- अन्तर्राष्ट्रिय बजारमा सुनको मूल्य वृद्धि भएसँगै नेपाली बजारमा आज सुनको मूल्य प्रतितोला दुई हजार एक सय बढेको छ । सोमबार प्रतितोला एक लाख ५० हजार एक सयमा कारोबार भएको सुन आज बजार खुल्दा एक लाख ५२ हजार दुई सय कायम भएको नेपाल सुनचाँदी व्यवसायी महासङ्घले जनाएको छ । यसैगरी, चाँदीको मूल्य प्रतितोला ६० ले बढेर एक हजार नौ सय २५ कायम भएको छ ।

पर्सा – पूर्व उपप्रधान तथा गृह मन्त्री रवि लामिछानेको आजबाट बयान सुरू भएको छ। पोखराबाट काठमाडौं हुँदै वीरगञ्ज ल्याइएका लामिछानेसँग आजबाट बयान सुरू भएको हो । हिजो साँझ उनको स्वास्थ्य परिक्षण गरिएको थियो, जसअनुसार उनको ब्लड प्रेसर १६०–११० मापन गरिएको थियो । सहकारी ठगी प्रकरणमा पर्सामा पनि उनीविरुद्ध पक्राउ पुर्जी भएकाले प्रहरीले बयानका लागि यहाँ ल्याइएको हो । सहकारी ठगी गरेको भन्दै पक्राउ परेका लामिछानेलाइ गत गत कात्तिक २ गते काठमाडौँबाट पक्राउ गरेर पोखरा लगिएको थियो । जिबी राइ नेतृत्वको सहकारीहरूवाट ग्यालेक्सी टेलिभजनमा लगानी गर्दा उनी पनि संलग्न भएको उजुरी पछि उनलाइ कास्की प्रहरीले पक्राउ गरेको हो । त्यसपछि सोही प्रकरणमा कास्कीसहित…

काठमाडौं- मौसम प्रतिकूल हुँदा विभिन्न जिल्लाका विमानस्थलको उडान प्रभावित भएको छ । उडान प्रभावित हुँदा त्रिभुवन अन्तर्राष्ट्रिय विमानस्थलको आन्तरिक उडान कक्षमा यात्रुहरुको भीड लागेको छ । भैरहवा, सिमरा, चितवन, विराटनगर, जनकपुर, तुम्लिङटारको उडान प्रभावित भएको छ । लगातार चिसो सिरेटो बहिरहेर चारैतिर बाक्लो हुस्सुले डम्म ढाकेपछि तराई क्षेत्रका विमानस्थल प्रभावित भएको छ । हाल देशमा पश्चिमी वायुको प्रभाव रहेको छ । जल तथा मौसम विज्ञान विभागका अनुसार आज दिउँसो कोशी प्रदेशका पहाडी भागमा आंशिक बदली रही बाँकी भागमा मौसम सफा रहने छ । त्यसैगरी, आज राति कोशी र गण्डकी प्रदेशका पहाडी भागमा आंशिक बदली रही बाँकी भू–भागमा मौसम सफा रहने…

काठमाडौं- एनपीएलमा कप्तान रोहितकुमार पौडेलको अलराउण्ड प्रदर्शनमा लुम्बिनी लायन्सले पहिलो जित हासिल गरेको छ । रोहितले ब्याटिङ र बलिङमा उत्कृष्ट प्रदर्शन गर्दा लुम्बिनीको पहिलो जित सम्भव भएको हो । कीर्तिपुरस्थित त्रिवि अन्तर्राष्ट्रिय क्रिकेट मैदानमा मंगलबार भएको खेलमा लुम्बिनीले चितवनलाई ३३ रनले हराएकाे हाे । लुम्बिनीले दिएको १६८ रनको लक्ष्य पछ्याएको चितवन पूरै ओभरमा ८ विकेट गुमाउँदै १३४ रनमा समेटियो । रोहितले ब्याटिङको क्रममा ८० रनको योगदान गर्दा बलिङमा १७ रन खर्चेर ४ विकेट लिएका हुन् । यससँगै लुम्बिनीको प्लेअफ पुग्ने सम्भावना जिवित रहेको छ । एनपीएलमा अब लुम्बिनीले लिग चरणमा काठमाण्डु गुर्खाज र कर्णाली याक्ससँग प्रतिस्पर्धा गर्न बाँकी छ । यी दुवै खेलमा…

सोलुखुम्बु- सोलुखुम्बुको खुम्बु पासाङल्हामु गाउँपालिका–४ सोमारेकी ३४ वर्षीया शेर्पा थरकी एक महिलाको अनुभवले सगरमाथा क्षेत्रका महिलाहरूमा जलवायु परिवर्तनको असरलाई उजागर गरेको छ । उनको महिनावारी अनियमित भएको मात्र होइन, काठमाडौंमा उपचारपछि सामान्य भए पनि गाउँ फर्किंदा समस्या पुनः दोहोरिन थाल्यो । ‘यहाँको हावापानीले गर्दा यस्तो भएको हो कि भन्ने लागेको छ,’ उनले बताए । प्रजननमै आएको समस्याले केही समय आफ्नो गाउँ छोडेर काठमाडौंमा बस्न थालेको अनुभव समेत शेर्पाले सुनाए । उच्च हिमाली भेगमा बसोबास गर्ने महिलाहरूमा महिनावारी अनियमित र बाँझोपनको समस्या सामान्य जस्तै हुँदै गएको छ । खुम्बु क्षेत्रका स्वास्थ्यकर्मी ङिमडोमा शेर्पाका अनुसार धेरैजसो महिलाहरू स्वास्थ्य संस्था पुग्दा प्रजनन्सम्बन्धी समस्या…

काठमाडौं- नेपालमा जन्मिएका भुटानका राजा जिग्मे खेसार नाम्ग्याल वाङ्चुक काठमाडाैं आइपुगेका छन् । शुक्रबार बिहान काठमाडौं आइपुगेका राजा जिग्मेलाई त्रिभुवन अन्तर्राष्ट्रिय विमानस्थलमा परराष्ट्रमन्त्री आरजु राणाले स्वागत गरेकी छिन् । भारत भ्रमण सकेर आएका उनी स्वयम्भू र बौद्धनाथको दर्शन गरेर आजै स्वदेश फर्कने कार्यक्रम छ । राजा जिग्मेको यो कुनै औपचारिक नेपाल भ्रमण भने होइन । उनी भारत भ्रमणका क्रममा ट्रान्जिटका लागि करिब मात्र एक–दुई घण्टा नेपालमा रहनेछन् । भुटानी जिग्मे राजा नेपाल आउने भएपछि विमानस्थलको सुरक्षा व्यवस्था कडा बनाइएको थियो । वाङचुकले बौद्धनाथ र स्वयम्भूनाथको दर्शन गर्न कार्यक्रम रहेको परराष्ट्र मन्त्रालयले जनाएको छ । भुटानी राजा दर्शनका लागि जाने बौद्धनाथ, स्वयम्भूनाथ…

काठमाडौं- दक्षिण कोरियाका सेना प्रमुखले राजिनामा दिएका छन् । समाचार एजेन्सी योनहापका अनुसार दक्षिण कोरियाका सेना प्रमुख पार्क आन सुले राजीनामा दिएको जनाएको छ । तर, उनको राजिनामा स्विकृत भए नभएको केही खुलाइएको छैन् । पार्क मार्शल ल कमाण्डर थिए, तर उनले मंगलबार राति राष्ट्रपति युनको घोषणासँग धेरै कम समयमा संसद सेनालाइ पठाएका थिए । हेलिकोप्टरवाट संसद भवनमा कोरियाली सेना उत्रिरहेको तथा झ्याल फुटाएर सेनाहरू प्रवेश गरेको दृश्य अचम्म लाग्दो थियो । संसद बैठक हुन नदिनका लागि सांसदहरू माथी कोरियाली सेनाले धरपकड गरेकोमा चौतर्फी बिरोध भएको थियो । ‘हामी सैन्य विज्ञ हौं, हामी मार्शल लका विशेषज्ञ होइनौं,’ भन्दै आदेशको मस्यौदामा…

सुनसरी- धरान उपमहानगरपालिकाका मेयर हर्कराज राई (हर्क साम्पाङ) ले आफू परिवर्तन नहुने भन्दै यही नै ‘हर्कपथ’ भएको बताएका छन्। बिहीबार पत्रकार सम्मेलन आयोजना गर्दै बोल्ने क्रममा उनले यस्तो बताएका हुन् । उनले बुधबार पत्रकार गोपाल दाहाललाई ‘पत्रकारिता सिध्याइदिने’ धम्की दिएका थिए । त्यसपछि आलोचना खेपेका साम्पाङले पत्रकार सम्मेलन गरी आफ्नो धारणा सार्वजनिक गरेका हुन् । ‘नडराइ बोल्नु र कसैको सामु नझुक्नु नै मेरो विशेषता हो’ उनले भने, ‘यो हर्कवाद हो, यही हो हर्कपथ । म चेन्ज हुन्न, म यस्तै हो ।’ पत्रकार दाहालले धरानमा भएका बेथिति र साम्पाङ ‘नक्कली माओवादी’ हुँदा वाइसिएलले पक्राउ गरेकोबारे समाचार लेखेका थिए। त्यसपछि मेयरले उनलाई…

काठमाडाैं- इतिहासकार पुरुषोत्तम शमशेर जबराको बिहीबार ९९ वर्षको उमेरमा निधन भएको छ । ललितपुरस्थित नेपाल मेडिसिटी अस्पतालमा उपचारका क्रममा बिहीबार उनको निधन भएको हो । राणा लामो समयदेखि मृगौलासम्बन्धी रोगबाट पीडित थिए । रक्तचापमा समस्या देखिएपछि उनलाई बुधबार अस्पताल भर्ना गरिएको थियो । राणाका ‘श्री ३ हरूको तथ्य वृत्तान्त’ (तीन भाग), ‘राणाकालीन प्रमुख ऐतिहासिक दरबारहरू’, ‘सम्झेका र सुनेका कुराहरू’, ‘भएका र गुज्रेका घट्नाहरू’, ‘लुकेछिपेका प्रतिभाहरू’, ‘मेरा जीवनका स्मृतिहरू’, ‘जङ्गबहादुर र राणाकालीन दर्पण’लगायतका पुस्तक प्रकाशित छन् । राणाको जन्म १९८२ साल चैत्र १५ मा काठमाडौंस्थित चारबुर्जा दरबार (हाल निर्वाचन आयोग रहेको भवन) मा भएको थियो । राणा रुद्र शमशेरका नाति र…