चितवन : चितवनमा गाडीको ठक्करबाट मोटरसाइकल चालकको मृत्यु भएको छ ।
शनिरबार बेलुका शरणपुरबाट नारायणगढ आउँदै गरेको बाप्र ०३-००१ च ११९७ नम्बरको बोलेरो गाडीले बाप्र ०३००३ प ८६२४ नम्बरको मोटरसाइकललाई भरतपुर महानगरपालिका–१६ शिवघाटमा ठक्कर दिएको थियो।
गाडीको ठक्करबाट मोटरसाइकल चालक स्थानीय ४१ वर्षीय मधुसुदन खत्री र उनकी छोरी १५ वर्षीया अपेक्षा खत्री गम्भीर घाइते भएका थिए ।
उनीहरू दुवैलाई उपचारका लागि नयाँ मेडिकल कलेज भरतपुर लगिएको शनिबार बेलुका साढे ८ बजे बुवाको मृत्यु भएको प्रहरीले जनाएको छ। छोरीको उपचार जारी रहेको चितवन प्रहरीले जनाएको छ ।
प्रकाशित मिति:
आईतवार, १४ माघ २०८०
