काठमाडौं : नेपाल प्रहरीको प्रहरी उपरीक्षक (एसपी) मा बढुवा भएका ८ अधिकृतले शुक्रबार दर्ज्यानी चिन्ह लगाएका छन् ।
प्रहरी प्रधान कार्यालयमा आयोजित समारोहबीच आईजीपी बसन्तबहादुर कुँवरले उनीहरुलाई फुली लगाइदिएका हुन् । गत साता बढुवा समितिले ८ डीएसपीलाई बढुवाका लागि सिफारिस गरेको थियो ।
अंगुर जीसी, सन्तोष तामाङ, राजन लिम्बू, विनोद घिमिरे, श्यामबाबु ओलिया, निरञ्जनदत्त भट्ट, ढकेन्द्र खतिवडा र यादव ढकालले एसपीको दर्ज्यानी चिन्ह लगाएका हुन् ।
प्रकाशित मिति:
शुक्रबार, २३ चैत्र २०८०
