काठमाडौँ : स्थानीय बजारमा पहेँलो धातुको मूल्य प्रतितोला ७ सयले वृद्धि भएको छ ।
नेपाल सुनचाँदी व्यवसायी महासङ्घका अनुसार आज छापावाला सुन प्रतितोला १ लाख २५ हजार दुई सय कायम भएको छ । सोमबार छापावाला सुन प्रतितोला १ लाख २४ हजार पाँच सयमा कारोबार भएको थियो ।
यस्तै, तेजाबी सुन पनि प्रतितोला ७ सयले वृद्धि भएको छ । महासङ्घले आजका लागि तेजाबी सुन प्रतितोला १ लाख २४ हजार ६ सय कायम गरेको छ ।
सोमबार तेजाबी सुन प्रतितोला १ लाख २३ हजार ९ सय मूल्यमा कारोबार भएको थियो ।यसैगरी, चाँदीको मूल्यमा सामान्य वृद्धि भएको छ । सोमबार प्रतितोला १ हजार ५ सय २० मा कारोबार भएको चाँदी आजका लागि १ हजार ५ सय २५ निर्धारण भएको छ ।
प्रकाशित मिति:
मंगलवार, ६ चैत्र २०८०
