काठमाडाैं- नक्कली फेसबुक आइडी बनाएर तस्बिर र भिडिओमार्फत युवतीको चरित्र हत्या गरेको आरोपमा प्रहरीले एक जनालाई पक्राउ गरेको छ । पक्राउ पर्नेमा गोरखा भिमसेनथापा गाउँपालिका–२ घर भई काठमाडौंको तारकेश्वर नगरपालिका–४ बस्ने २४ वर्षीय भिमसेन भट्ट रहेको नेपाल प्रहरीको साइबर ब्युरोले जनाएको छ ।
उनले आफ्नाे प्रेम सम्बन्ध टुटेपछि पूराना तस्बिर र भिडिओको दुरुपयोग गरेर नक्कली फेसबुक तथा ह्वाट्सएपमार्फत पूर्व प्रेमिकाको चरित्र हत्या गरेको पाइएको प्रहरीले जनाएको छ । चरित्र हत्या गरी हैरानी दिएको भन्दै ब्युरोमा उजुरी परेपछि प्रहरीले उनको खोजी थालेको थियो ।
पक्राउपछि उनीमाथि थप अनुसन्धान गर्न अदालतले ५ दिन म्याद थप गरेको छ । प्रहरीले विद्युतीय भट्टमाथि कारोबार ऐन, २०६३ अन्तर्गत अनुसन्धान गरिरहेको छ ।
प्रकाशित मिति:
मंगलवार, ९ माघ २०८०
