काठमाडौं, २ असोज । पूर्वराजा ज्ञानेन्द्र शाहले भक्तपुरमा रहेको दरवार स्क्वायर पुगेर तलेजु भवानीको दर्शन गर्ने कार्यक्रम बनेको छ ।
आउँदो असोज ७ गते राजा ज्ञानेन्द्र राजपरिवारका सदस्य सहित भक्तपुर पुग्नुहुनेछ । मन्दिर दर्शन समारोहपछि राजपरिवारको नागरिक अभिनन्दन समेत हुने कार्यक्रम रहेको छ । पछिल्लो समय पूर्वी र पश्चिम नेपालमा समेत हजारौंले राजा ज्ञानेन्द्रको हार्दिकतापूर्वक अभिनन्दन गरेपछि राजपरिवारको भ्रमण गराउन विभिन्न ठाउँबाट निम्ता आउन थालेको राजपरिवारको संवाद सचिवालयले जानकारी दिएको छ ।
पछिल्लो समय जनतामा जागेको चरम निराशाले राजनीतिक दलहरुप्रति वितृष्णा जागेका बेला राजपरिवारको भने नागरिकले स्वफूर्त स्वागत तथा सम्मान गरिरहेको देख्न सकिन्छ ।
प्रकाशित मिति:
मंगलवार, २ आश्विन २०८०
